Hər zaman ac hiss etməyinizin 8 səbəbi

368 baxış

Özünüzü həmişə ac hiss edirsiniz? Yemək yedikdən sonra da yemək haqqında düşünürsünüz? Bu halın niyə baş verdiyini öyrənmək istəyirsinizsə, məqaləmizi oxumağa davam edin.

1. Həddindən artıq rəfinə olunmuş karbonhidrat işlətmək.
Ağ çörək, makaron, düyü və emal olunmuş şəkər kimi həddindən artıq rəfinə olunmuş karbonhidrat qəbul edirsinizsə, böyük ehtimal tez-tez acırsınız. Rəfinə olunmuş karbonhidratlar qan şəkərinizi sürətli bir şəkildə yükəldər, bu da qan şəkərinin ani olaraq düşməsinə səbəb olar. Bunun nəticəsində də, bədəniniz daha çox yemək üçün beyninizə siqnallar göndərər.

Rəfinə karbonhidratı azaltmaq üçün ağ çörək, makaron və ya düyü yerinə, taxıllı çörək, yulaf, mərcimək və ya kinoa kimi qidalar qəbul edə bilərsiniz.

2. Kifayət qədər su içməmək.
Susuzluq da aclıq hissinə səbəb ola bilir, çünki bədənimiz aclıq ilə susuzluğu ayırd edə bilmir bəzən. Aclıq hiss etdiyiniz zaman yeməyə başlamadan əvvəl su için. Gün ərzində də 8-10 stəkan su içməyi unutmayın.

3. Kifayət qədər protein qəbul etməmək.
Proteinlər bizi tox tutur, bu da iştahımızı kontrol etməyə kömək edir. Hər yeməkdə protein qəbul etməyi gözardı etməyin. Məsələn, səhər yeməyində yumurta, pendir və ya süd, günorta və ya axşam yeməyində toyuq, ət, balıq, qatıq və ya ayran əlavə etməyə çalışın.

4. Çox sürətli yemək
Yeməyinizi 20 dəqiqədən daha müddətdə yeyib bitirirsiniz? Cavabınız “bəli”-dirsə, tez-tez ac hiss etməyinizin səbəbi bu ola bilər. Bir çox araşdırmada, sürətli yemək yeməyin yüksək qida qəbuluna, lakin az doyma hissinə səbəb olduğu ortaya çıxmışdır.

Yavaş-yavaş yeyib və yaxşı çeynədiyinizdə, bədəniniz doyma siqnalları ötürməyə başlayır. Bu zaman isə doyduğunuzu hiss edirsiniz, eyni zamanda da çox yeməkdən xilas olursunuz. Yeməyinizi 20 dəqiqədən daha uzun müddətdə bitirməyə çalışın.

5. Ürəyiniz sıxıldığı üçün yemək
Evdə olarkən özünüzü soyuducunun qarşısında tapırsınız? Əslində bu vəziyyət aclıq deyil, ürəyimiz sıxıldığı üçün hamımızın başına gəlir. Növbəti dəfə bu şəkildə mətbəxə yollanmazdan əvvəl, özünüzə məşğul olmağa bir şeylər tapın.

6. Keyfiyyətli və tam yuxu ala bilməmək.
Hər gecə ən az 7-8 saat yatın. Yuxu iştah kontrolunda ciddi yerə sahibdir. Kifayət qədər yata bilməsəniz, leptin səviyyələriniz düşər. Leptin isə toxluq hissi verən bir hormondur.

7. Az miqdarda lifli qidalar qəbul etmək.
Əgər qidalanmağınızda kifayət qədər lif qəbul etmirsinizsə, yeməkdən sonra doyma hiss etməyə bilərsiniz. Yüksək lifli qidalar daha gec həzm olunduğu üçün iştahınızı daha rahat idarə edə bilərsiniz. Diyetinizə taxıl, paxlalı qidalar, meyvə və tərəvəz kimi yüksək lifli qidalar əlavə edin.

8. Diqqət dağınıqlığı
Modern cəmiyyətimizdə, sürətli həyat tərzimiz bizi eyni anda bir neçə iş görməyə məcbur edir. Məsələn, diqqətimiz başqa bir yerdə olarkən qida qəbul etmək kimi. Başqa bir işlə məşğul olarkən nə qədər yediyimizə də diqqət etmirik. Diqqətin dağınıq olması, doyma siqnallarını da anlamağımıza çətinlik törədir.